കൊച്ചി: ജൂനിയര്‍ ആര്‍ട്ടിസ്റ്റിന്‍റെ പീഡനപരാതിയില്‍ സംവിധായകന്‍ ശ്രീകുമാര്‍ മേനോനെതിരെ മരട് പോലീസ് കേസെടുത്തു. പരസ്യചിത്രത്തില്‍ അഭിനയിപ്പിക്കാമെന്നു പറഞ്ഞ് വിളിച്ചുവരുത്തി കൊച്ചിയിലെ ഹോട്ടലില്‍ വച്ച് സംവിധായകന്‍ പീഡിപ്പിച്ചുവെന്നാണ് കേസ്.
ഇ-മെയിലിലാണ് മരട് പോലീസിന് പരാതി ലഭിച്ചത്. പരാതിയുടെ അടിസ്ഥാനത്തില്‍ ഐപിസി 354 വകുപ്പ് പ്രകാരമാണ് പോലീസ് കേസെടുത്തത്. തുടര്‍ അന്വേഷണത്തിനായി കേസ് എസ്‌ഐടിക്ക് കൈമാറി. എസ്പി ഐശ്വര്യ ഡോംഗ്രേയ്ക്കാണ് അന്വേഷണ ചുമതല.
